करम बढ़िया होने चहियैं चौं कै समय काहु कौ नाँय हैमत । नैंक सी बात ते ही अर्थ बदल जामतौ है । अंगुरिया उठै तौ *बेइज्जती*👉 , अंगूठा उठै तौ *प्रशंसा* 👍 और अंगूठा ते अंगुरिया मिलै तौ *लाज़बाब*👌 बस जे ही सबरी जिंदगी कौ हिसाब ।
*****************************************
भाषा शरीर कौ *अदृश्य* अंग है जामें मनुष्य कौ सब कछु दिखाई दैमतौ है ।
******************************************
विश्वास करनौ सीखौ, संदेह तौ सबरौ संसार करतौ है । जिंदगी जब दैमत है तौ *अहसान* नाँय करै और जब लैमतै तौ *लिहाज*
******************************************
संसार में दो संबंधरूपी पौधा ऐसे हैं जो कबहु मुरझामत नाँय और अगर मुरझायगे तौ वाकौ कोई इलाज नाँय, विनमें पहलौ है *निःस्वार्थ प्रेम* और दूसरौ है *अटूट विश्वास*
******************************************
मनुष्य की पहिचान भलहीं चेहरा ते होंत होयगी लेकिन वाकौ सम्पूर्ण परिचय तौ वाकी *वाणी*, *विचार*, *कामन* ते ही हैमतै ।
******************************************
कमाई की परिभाषा केवल धन ते तय नाँय होय, यामें *अनुभव*, *रिश्ते*, *सम्मान*, *सबक* इत्यादि सम्मलित रहमतें ।
******************************************
समझनी पडतें सबन के कष्ट और आवश्यकतायें , यूँ ही या संसार में दीवार और छतन ते घर नाँय बनें करैं ।
******************************************
दास बनकें जींगे तौ कुत्ता समझ कैं लात मारैगी जे दुनिया, राजा बनकें जींगे सलाम ठोकैगी जे दुनिया, दम कपड़ान में नाँय दिल में रखौ ।
******************************************
तुम पै कितेकहु पढ़ाईन की डिग्रियाँ होंय अगर अपनेन के दुख-दर्द नाँय पढ़ पाए तौ अनपढ़ ते नीचे ही हैं फिर...
*****************************************
*विकल्प* बहौत मिलंगे मार्ग भटकाबे के लैं लेकिन *संकल्प* एक ही काफ़ी है मंज़िल तक जाबे कूँ ।
******************************************
घर के दरवाजे पै घोड़ा की नाल लगाबे ते सफलता नाँय मिलै
सफलता के लैं स्वयं के दौनों पैरन में घोडा की नाल लगानी पड़तै ।
******************************************
संबंध कबहु सबते जीतकैं नाँय निभाए जा सकें, संबंधों की खुशहाली के लैं झुकनौं होंतौ है, सहनौ होंतौ है, दूसरेन कूँ जितानौ होंतौ है और स्वयं हारनौ होंतौ है।
सच्चे सम्बन्ध ही वास्तविक पूँजी हैं ।
******************************************
शांति की तह में छुपा लेओ सबरी उलझनन नैं, हल्ला कबहु कष्टन नैं आसान नाँय करै । बहस और बातचीत में एक ही अंतर है, बहस सिर्फ सिध्द करतै कै कौन सही है, जबकि बातचीत जे सिद्ध करतै कै काह सही है ।
******************************************
झूठी शान के पक्षी ही पंखन ते ज्यादा फड़फड़ामतें, बाज की उड़ान में पंखन की कबहु आवाज नाँय होंत ।
*****************************************
बदला लैबे की नाँय,बदलाव लाबे की सोच रखौ । समझदार व्यक्ति बू नाँय जो ईंट कौ जबाब पत्थर ते देय, समझदार व्यक्ति बू है जो फेंकी भयी ईंट ते अपनौ घर बनाय लेय ।
******************************************
रिश्ते कबहु जिंदगी के संग नाँय चलैं, रिश्ते तौ एक बार बनतें फिर जिंदगी रिश्तेन के संग चलतै ।
****************************************
मत होय निरास जीवन ते अपने, काहु हु समय तेरौ नाम बन सकतौ है । अगर दिल में होय आग, और इच्छा होय प्रबल, तौ चाय बेचबे बारौ हु प्रधानमंत्री बन सकतौ है ।
******************************************
हर एक की दृष्टि के अनुसार नाँय सम्भव निर्दोष रहनौ, चलौ चेष्ठा करैं कै स्वयं की दृष्टि में ही निरपराधी रहें ।
*****************************************
एक अनौखी सी दौड़ है जे जिंदगी, जीत जाऔ तौ कैउ पीछैं छूट जामतें, और हार जाऔ तौ अपने ही पीछैं छोड़ जामतें ।
******************************************
एक पल के लैं मान लैमतें कै किस्मत में लिखौ फैसलौ बदलौ नाँय करै लेकिन आप फैसले तौ लै कैं देखौ, काह पतौ किस्मत ही बदल जाय ।
******************************************
ज्ञान धन ते उत्तम है चौं कै धन की हमकूँ रक्षा करनी पड़तै और ज्ञान हमारी रक्षा करतौ है ।
******************************************
कष्ट में अगर सहायता मांगौ तौ सोच-समझ कैं मांगियों चौं कैं
कष्ट थोड़ी देर कौ हैमतौ है और एहसान जिंदगी भर कौ ।
******************************************
जीवन में अच्छे लोगन की खोज मत करौ, स्वयं अच्छे बन जाऔ ,काह पतौ आप ते मिलकें काहु की तलाश पूरी है जाय ।
******************************************
उम्मीद हमें कबहु छोड़ कैं नाँय जाय, जल्दबाजी में हम लोग ही वाय छोड़ दैमतें ।
👌👌👌👌👌👌👌👌👌👌👌👌👌👌👌👌
मनुष्य की सबते बड़ी विडंबना जे है कै बू झूठी प्रसंशा सुन कैं बर्बादतौ है सकै, लेकिन सच्ची आलोचना सुन कैं सम्भलनौं पसंद नाँय ।
💐💐💐💐💐💐💐💐💐💐💐💐💐💐💐💐💐
एक मुँह और दो कानन कौ अर्थ हैमतौ है कै हम अगर एक बात बोलें तौ कम से कम दो बात सुनें हु।
💐💐💐💐💐💐💐💐💐💐💐💐💐💐💐💐
मनुष्य कूँ बोलबौ सीखबे में तीन वर्ष लग जामतें... लेकिन काह बोलनौ है जे सीखबे में पूरौ जीवन लग जामतौ है।
💐💐💐💐💐💐💐💐💐💐💐💐💐💐💐💐
जलौ केवल वितकूँ, जितकूँ तिहारी आवश्यकता होय...उजारेन में दीपकन के महत्व नाँय होय करें ।
💐💐💐💐💐💐💐💐💐💐💐💐💐💐💐💐
रास्ता पूछबे में शर्म महसूस नाँय करनौ चहियै, काह पतौ तिहारी मंजिल कौ रस्ता वहीं ते जामत होय जाकौ आपकूँ पतौ ही नाँय होय...
💐💐💐💐💐💐💐💐💐💐💐💐💐💐💐💐
जहाज समंदर के किनारे सर्वाधिक सुरक्षित रहमतौ है। मगर वाय किनारे के लैं नाँय, बल्कि समंदर के बीच में जाबे के लैं बनायौ गयौ है ।
💐💐💐💐💐💐💐💐💐💐💐💐💐💐💐💐
आपकूँ काऊ लक्ष्य के लैं खड़ौ हैनौ होय तौ एक पेड़ की तरह... और गिरौ तौ बीज की तरह... ताकि फिर ते उगकैं वा ही लक्ष्य के लैं लड़ सकैं।
💐💐💐💐💐💐💐💐💐💐💐💐💐💐💐💐
काऊ शांत और विनम्र व्यक्ति ते अपनी तुलना करकैं देखौ, आपकूँ लगैगौ कै, आपकौ घमंड निश्चय ही त्यागबे जैसौ है।
💐💐💐💐💐💐💐💐💐💐💐💐💐💐💐💐
एक मिनट में जिन्दगी नहीं बदलै पर एक मिनट में सोचकैं लियौ गयौ फैसलौ पूरी जिन्दगी बदल दैमतौ है।
💐💐💐💐💐💐💐💐💐💐💐💐💐💐💐💐
हर व्यक्ति के अन्दर एक शक्ति छिपी रहमतै जब बू जाग्रत हैमतैं तबही चमत्कार हैमतैं ।
💐💐💐💐💐💐💐💐💐💐💐💐💐💐💐💐
वाणी में हु अनौखी शक्ति हैमतै ... कड़वौ बोलबे वारे कौ शहदहु नाँय बिकै.. और मीठौ बोलबे वारे की तौ मिर्चहु बिक जामतें ।
💐💐💐💐💐💐💐💐💐💐💐💐💐💐💐💐
गीता में लिखौ है कै अगर आपकूँ कोई अच्छौ लगतौ है तौ अच्छौ बू नाँय, बल्कि अच्छे तौ आप हैं चौं कै वामें अच्छाई देखबे वारी नजर आपके पास है ।
💐💐💐💐💐💐💐💐💐💐💐💐💐💐💐💐
जीवन कौ सबसे बड़ौ अपराध - काऊ की आँखन में आपकी वजह ते आंसून कौ आनौ, और जीवन की सबते बड़ी उपलब्धि - काऊ की आँखन में आंसू आपके लैं आनौ।
💐💐💐💐💐💐💐💐💐💐💐💐💐💐💐💐
जब तालाब भरतौ है तब मछली चैंटीन कूँ खामतै और जब तालाब सूखबे लगतौ है तब चैंटी मछलीन कूँ खामतें यानि प्रकृति सबन कूँ कबहु न कबहु अवसर जरूर दैमतै बस अपनी बारी की प्रतिक्षा करौ।"
💐💐💐💐💐💐💐💐💐💐💐💐💐💐💐💐
दिल बड़ौ रखौ, दिमाग ठंड़ौ रखौ, वाणी कूँ मीठी रखौ फिर कोई आपते नाराज है जाय तौ कींहजौं ।
💐💐💐💐💐💐💐💐💐💐💐💐💐💐💐💐
विचार बहते भये पानी की तरह हैंमतौ है यदि आप वामें गंदगी मिलांगे तौ वह नालौ बन जायगौ और यदि सुगंधी मिला दंगे तौ बू ही गंगाजल बन जायगौ।
💐💐💐💐💐💐💐💐💐💐💐💐💐💐💐💐
समय और समझ दोनों एक साथ भाग्यशाली लोगन कूँ ही मिलतें चौं कै अक्सर समय पै समझ नाँय आवै और समझ आवे पै समय निकल जामतौ है ।
💐💐💐💐💐💐💐💐💐💐💐💐💐💐💐💐
जो मन की पीड़ा कूँ स्पष्ट रूप ते नाँय कह सकै, वायी कूँ क्रोध अधिक आमतौ है ।
💐💐💐💐💐💐💐💐💐💐💐💐💐💐💐💐
अगर रिश्तेन में पूरी तरह ते विश्वास, ईमानदारी और समझदारी है तौ इन्नै निभावे के लैं वचन, कसम, नियम और शर्तन की कोई आवश्यकता नाँय ।
💐💐💐💐💐💐💐💐💐💐💐💐💐💐💐💐
स्वयं में बहुत सी कमियन के बावजूद यदि हम स्वयं ते प्रेम कर सकतें, तौ दूसरें में थोड़ी बहुत कमियन की वजह ते विन ते घृणा कैसैं कर सकतें ।
💐💐💐💐💐💐💐💐💐💐💐💐💐💐💐💐
स्वर्ग व नरक कोई भौगोलिक स्थिति नाँय, बल्कि एक मनोस्थिति है जैसौ सोचंगे, वैसौ ही पांगे।
💐💐💐💐💐💐💐💐💐💐💐💐💐💐💐💐
यदि आप बहुत अधिक लोगन पै निर्भर रहमतें तौ आपके निराश हैवे के अवसर हु अधिक है जामतै।
💐💐💐💐💐💐💐💐💐💐💐💐💐💐💐💐
कमजोर तब रूकतैं, जब वे थक जामतें और विजेता तब रूकते जब वे जीत जामतें।
💐💐💐💐💐💐💐💐💐💐💐💐💐💐💐💐
ज्ञान कौ समुद्र अथाह है जो जे सोचतौ है कै मैं जो जानतौ हूँ, बू ही पूर्ण सत्य है, बू अंधेरे में ही भटक रह्यौ है।
💐💐💐💐💐💐💐💐💐💐💐💐💐💐💐💐
संसार में ना कोई तुम्हारौ मित्र है और ना ही कोई शत्रु , तुम्हारे अपने विचार ही शत्रु और मित्र बनाबे के लैं उत्तरदायी हैमतें।
💐💐💐💐💐💐💐💐💐💐💐💐💐💐💐💐
बोलबे में संयमी हौनौ और कार्यन में अग्रणी रहनौ, श्रेष्ठ व्यक्तिन की ही पहचान है।
💐💐💐💐💐💐💐💐💐💐💐💐💐💐💐💐
मानव के अंदर जो कछू सर्वोत्म है, वाकौ विकास प्रशंसा तथा प्रोत्साहन के द्वारा करौ जा सकतौ है।
💐💐💐💐💐💐💐💐💐💐💐💐💐💐💐💐
जाके पास धैर्य और परिश्रम कौ बल है, बू जो कछु चीज की इच्छा करतौ है वाय प्राप्त कर लैमतौ है।
💐💐💐💐💐💐💐💐💐💐💐💐💐💐💐💐
🌸🙏 *जय श्री राधे*🙏🌸
Learn More Brajabhasha Quotes-
http://learnbrajbhasha.blogspot.com/2019/11/blog-post_93.html?m=1
http://brajkiboli.blogspot.com/2018/01/learn-brajbhasha-quotes.html?m=1
https://youtu.be/0a2eoR6Ii7w